20 / October / 2019
01:39:31

Դիտեք նաև

x

ՍԱՐՍԱՓԵԼԻ Է․ Շատ վտանգավոր քարոզչություն․ Ի՞նչ է կատարվում

Վերջին օրերին հետաքրքիր միտում է նկատվում՝ առավել արմատական «ընդդիմադիրները» (նրանք, ովքեր հայհոյախառը մեղադրանքներ են հնչեցնում իշխանությունների հասցեին՝ հույս ունենալով, որ իշխանություններն իրենց նկատմամբ կոշտ քայլեր կձեռնարկեն, ու դրանով իսկ իրենք կհայտնվեն ուշադրության կենտրոնում) ավելի ու ավելի հաճախ են քարոզչական նպատակներով ընդարձակ մեջբերումներ անում ադրբեջանական լրատվամիջոցներից ու ռուսական այն շրջանակներից, որոնք աչքի են ընկնում ադրբեջանամետ դիրքորոշումներով: Ադրբեջանական լրատվամիջոցներն, օրինակ, գրում են, որ «ռազմական հանցագործ» Քոչարյանը հերթական անգամ բանտում է, իսկ մեր «ընդդիմադիրները» հրճվանքով տիրաժավորում են դա՝ «մոռանալով» նշել, որ Քոչարյանը բոլորովին այլ գործով է կալանքի տակ: Արդյունքում՝ տպավորություն է ստեղծվում, թե իբր Հայաստանի իշխանությունները նույնպես Քոչարյանին «ռազմական հանցագործ» են համարում, հետեւաբար՝ դեմ են ղարաբաղյան պատերազմի արդյունքներին, մեկուսացնում են «պատերազմի հերոսներին», որպեսզի տարածքային զիջումներ անեն, եւ այլն:

Փաստորեն ադրբեջանցիներն իզուր էլ հսկայական գումարներ են ծախսում՝ հայալեզու քարոզչամիջոցներ պահելու համար: Կարող էին բավարարվել միայն ռուսերենով, իսկ մեր «արմատական ընդդիմադիրներն» իրենց միջոցներով դրանք կթարգմանեին հայերեն ու կտարածեին Հայաստանում: Բայց սա դեռ մի կողմ թողնենք եւ անդրադառնանք «պատերազմի հերոսներին»:

Ղարաբաղյան պատերազմի գլխավոր հերոսը հայ ժողովուրդն է, եւ այս հարցում երկու կարծիք լինել չի կարող: Եվ այդ գլխավոր հերոսը մերժել է Ռոբերտ Քոչարյանին էլ, Սերժ Սարգսյանին էլ: Այսինքն՝ այնպես չէ, որ «սորոսականներն» ու «գրանտակեր հանրույթն» են մերժել «արցախյան պատերազմի հերոսներին», ճիշտ հակառակը՝ իրական հերոսները մերժել են նրանց, ովքեր ժողովրդի հաղթանակը վերագրել են իրենց ու դա դրոշակ դարձնելով՝ փորձել ստրկացնել իրական հերոսներին: Մերժել են ոչ թե այն պատճառով, որ հաղթանակին էին դեմ (ինչպե՞ս կարող է ժողովուրդն ինքն իր հաղթանակին դեմ լինել), այլ որովհետեւ հազարավոր կյանքերի գնով ձեռք բերված այդ հաղթանակի արդյունքները հետագայում կասկածի տակ են դրվել՝ ընդամենը մի քանի հոգու չտեսնված ագահության պատճառով: Ու հիմա այդ մի քանի հոգին ներկայանում են որպես պատերազմի հերոսներ, թեեւ չեն կարող պատասխանել մի պարզ հարցի՝ ինչպե՞ս է պատահել, օրինակ, որ իրենց՝ «պատերազմի հերոսների» ղեկավարման տարիներին Հայաստանից արտագաղթել է երեք անգամ ավելի շատ մարդ, քան Արցախի բնակչությունն է, իսկ իրենց ընտանիքներին պատկանող բիզնեսներում աշխատում է մի քանի անգամ ավելի շատ մարդ, քան, ասենք, Քարվաճառի (Շահումյանի շրջանի) բնակչությունն է՝ շրջկենտրոնն էլ հետը: Իսկ գիտե՞ք, թե ինչու այդ շրջանում բնակչություն համարյա չկա: Որովհետեւ խմելու ջուր չունեն: Մինչդեռ «պատերազմի հերոսների» ընտանիքներին պատկանող երեւանյան հյուրանոցներից (երկուսն էլ այդ բարիքից շատ ունեն) ցանկացածի արժեքի 20 տոկոսով կարելի էր լուծել մի ամբողջ շրջանի խմելու ջրի հարցը: Ու հիմա այդ մարդիկ իրենց վարձու քարոզիչների միջոցով հայտարարում են, թե նոր իշխանությունները հրաժարվում են «իրենց տարած» հաղթանակից:

Իրականությունն այն է, որ ադրբեջանցիները ոչ թե ոգեւորված են, այլ մտահոգված Հայաստանում ընթացող զարգացումներից: Որովհետեւ նրանք նույնպես գիտեն, որ ցանկացած պետություն նախ ներսից է քայքայվում եւ ապա միայն փլուզվում արտաքին հարվածներից, ու տարիներ շարունակ հենց դրան էլ համբերատար սպասում էին: Իսկ հիմա Հայաստանի ներքին քայքայման գործընթացը կասեցվել է, ու դա նրանց լրջորեն մտահոգել է: Այստեղից էլ՝ նախկիններին աջակցելու խնամքով թաքցված ցանկությունն ու այդ հարցում մեր «արմատական ընդդիմության» հետ շահերի համընկնումը:

Մնում է, որ հասարակությունը ճիշտ գնահատի իրողությունները եւ չտրվի այս իսկապես վտանգավոր քարոզչությանը:


8rd.am-ում հրապարակված ցանկացած տեսանյութ վերցվում է բաց աղբյուրներից, և տեսանյութում ընթերցվածը չի բխում մեր դիրքորոշումից և անձնական կարծիքից։ Եթե կայքում առկա են տեսանյութեր, որոնք վերաբերվում են Ձեր անձին, գրեք հաղորդագրություն, և մենք կհեռացնենք այն ։

 

Նյութի Աղբյուր՝
http://www.armtimes.com/hy/article/16...

Suggestions

Newsfeed
Mercedes C63S AMG HARD CRASH INTO A TREE!! Drift goes wrong..
17/October/2019 - 17:13
Wild Python Coils Round Man's Neck In India
17/October/2019 - 17:06
What progress has come to....
15/October/2019 - 20:21
This University Has A ‘Draw Danny DeVito Wall’ And I Want To Enroll
14/October/2019 - 21:20
Lions is King But Fail! Mother Bear Save Her Baby From Puma Hunting, Giraffe vs Lions
10/October/2019 - 19:46
Briefing with Kim Kardashian
10/October/2019 - 19:43
This National Park Has An Annual Fat Bear Contest And I Am In Love
10/October/2019 - 19:33
Armenian fans are greeting Kim Kardashian
8/October/2019 - 21:09
Kim Kardashian is taking photos with her fans in Etchmiadzin after baptizing children
8/October/2019 - 21:08
This dog is on a diet and HE HAS SOME THINGS TO SAY ABOUT IT
8/October/2019 - 13:30
Seeing the dancers the man could not stand it and went out to dance
14/May/2019 - 18:15
Funny Will Melt Your Heart Compilation. REAL LIFE HEROES
11/May/2019 - 16:58
A huge Green Anaconda attempts to cross a busy road in Brazil.
10/May/2019 - 23:12
Hairdresser Gets 'Pantsed' By Little Girl
19/February/2019 - 14:53
Lion Shows Tourist Why Windows Should be Closed!
19/February/2019 - 14:52
The Best of Eagle Attacks Ever
12/February/2019 - 20:07
Smart monkey working as field worker
12/February/2019 - 20:04
Girl With Down Syndrome Becomes Stewardess For A Day
5/February/2019 - 22:23
Disabled Woman Teaches Dog To Help With Washing
5/February/2019 - 22:21
Pensioner Becomes Britain's Oldest Ping Pong Player
5/February/2019 - 22:19
Boiling Water Turns Into Stunning Snow Cloud
5/February/2019 - 17:54
Horse Shows Off His Impressive Dance Moves
5/February/2019 - 17:51
Cute baby monkey relax and play happily with 2 puppies
5/February/2019 - 17:46
First time driving at 90 years old
27/January/2019 - 21:55
Baby monkey and dog puppies compilation
27/January/2019 - 21:40
All Timeline